الحياة ابسط مما نتخيل، لما نشوف الكلمة دي بنعتقد انها نوع من انواع التصبير، بس لما نتمعن في المعنى ونلف شوية في كل بلد من أنحاء العالم، نلاقي الجملة دي حكمة كبيرة تلخص مجمل صراعات البشر بالحياة، ورغم لحظات الاكتأب و الضغط اللي بيحصل لمعظم الناس حول العالم،انما نقدر نغير ده لشيء ايجابي لو فكرنا واقتنعنا أن الحياة فعلا ابسط مما نتخيل، لان الحياة مستمرة مهما حصل معانا أو مع غيرنا هنلاقي الشمس بتشرق في موعدها و الناس بتروح لشغلها و ترجع الشمس تغرب و الليل يهل دون انتظار احد، مهما كان الشخص مكتئب أو حزين أو مضغوط أو حتى في مراحل الموت ، الحياة مستمرة رغم قسوتها احيانا، وبما أن الحياة مستمرة بينا وبيغرنا ، يبقي نعيشها ببساطه نلتمس الأعذار لبعض ننسي عنصرية اللون أو العرق أو الدين الإيجابيات موجوده حوالينا في كل شيء، ضحكة طفل صغير، ورده مفتحه و الفراشات حواليها، لحظه شروق الشمس و ريحه الصبح اللي جاي بكل عنفوانه ، لو بغمضة عين ممكن تفكر في شيء ايجابي يحول مزاجك للتفاؤل، تلاقي عندك امل لما تتأكد أن الحياة بسيطه وسهله اذا سهلناها علي نفسنا.
